ابيك تشيل من راسك انك راح ترجع لي

أبيك اليوم يا بــــايـــــع ولو لحظه تسمع لي
عشان أوضح لامثالك بأني شخص مو عـادي

أنا ما جيت أبي قربك ولا أبي منك تشفع لي
أنا أكبر من أمثالك وقلبي يعشق عــــــنادي

أنا لا زادت همومـــــي أبد ما أبيك تفزع لي
أعالج نفسي بنفســي وأحصل بيدي مرادي

أبيك تشيل من راسك بأنك راح ترجــــع لي
ولا أبي تتصل فيني ولــــو في يوم ميـلادي

كثير إللي يبي قربي ومهـــما قلت يخضع لي
كثير إللي تمنوني عددهـــــم دوم يـــــزدادي

عطيتك منزلٍ عالـــي مع إن الكل يطلع لــي
أنا في نوحي لو بيدي حشا ما أبيك تطلع لي

يـــا عـمــي روح فـارقـنـي فـراقــك ثــالــث أعــيــادي