وش رجعك .؟ لعنبو حبٍ يعيشني ذليل

وش رجعك ؟ علموك .. ؟
وجاي تشمت في قلبٍ عليل ؟؟
ابشرك .. [ دمّر ] شعور الضيم فيني
سكوتٍ من جبآل
باعترف .. ايه انا من بلاه حبك ..
بالحمل الثقيل
وباعترف .. ايه انا من نسى معك
طغيان الرجآل
هاك قلبي .. ناظر .. تاكد
كانك تدور للدليل
شوف حب الدنيا يمين
وجروح حبك من شمآل
باسألك .. ليه خيبت [ رجا ] من فيك
تمنى .. القليل
ليه اوعدتني بالحب
وتالي شديت الرحآل
شف ترى قسم بالله
من يومك اعلنت الرحيل
وانا كل يوم [ متلهف ] ..
عله يجي منك الوصآل
في غيبتك ..
آه كم ترجيت الليل الطويل
ابي [ اتنفس ] !! اقصر ثيابك !!
واطرد هواجيس الخيآل !!
يقول ليلي كانك تبي ترتاح
دورلك بديل
قلتله غير حبه ؟؟ يعني اخونه ؟؟
لا والله [ محآل ] !!
ما غرني حسن نوره أو روعة حلا
أوضحكة هديل
ما جذبني سحر فاتن ولا الدلع
ان لقيته من دلآل
كنت [ وافي ] مع حبك
رغم تقصيرك يابخيل
كنت [ صابر ] على بعدك
واقول يا طولة البآل !!
والحين .. وربي كرهتك ..
كثر ما عشقتك حيل
كثر ما جازيتني
على قدر حبي .. بالاهمآل
تشوف دمعي اللي وانا احاكيك
.. ماوقّف !! ~ يسيل ~ !!
لا تحسبه من [ فرح ] لقياك ..
لكن طرى نفس السؤآل ؟
ليه خيبت رجا من فيك
تمنى .. القليل ؟
ليه اوعدتني بالحب
وتالي شديت الرحال ؟
بابيع حبك ..
لعنبو حبٍ يعيشني ذليل
تبي تقفي [ فمان الله ] ..
ماني بقايل تعآل