نكات بتضيع الغازات

مسطول بعد ما اتسير سال مراته:لمن نفتح باب الحمام هل النور بولع براهو؟؟فقالت ليهو طبعا لا
فرد:يبقى انا دخلت التلاجة

اتنين مساطيل كانو ماشين فى الشارع ولقوا عمود نور واحد فيهم دق العمود كم مرة ,التانى قال ليهو ما فى حد جوا...رد طيب النور مولع!!!

غبى راجع من الحج قابلته كاميرا التلفزيون..وسالته المذيعة عن الحج السنة دى؟؟فقال والله تمام وانا بنصح اى واحد عايز يحج ما يحج الا فى السعودية

مذيعة التلفزيون بتسال راجل مسطول..عن السبب الرئيسي للطلاق؟؟
فالراجل ردبالطبع واكيد الزواج

ماذون ما لقى شغل لمدة شهر قام طلق مراته

حرامى ندل دخل بيت وما لقى حاجة يسرقها...قام اتصل من تلفون البيت لمحطة موسيقى فى امريكا وخلى السماعة مفتوحة

واحد ساخر, حماره ضاع وحلف طلاق لو لقاهو يبيعه بالف جنيه فى السوق..ولمن لقاهو ...اتورط مع الحليفة...المهم قام جاب ليهو كديسة وربط حبل فى رقبتها وربط طرف الحبل فى الحمار ومشى السوق وبقى يكورك...حمار بالف وكديسة بمية الف جنيه ولازم الاتنين مع بعض...ما فى طريقة

مراة جات لفكى وراجل كبير فى السن عشان بنته عيانة و عشان لزوم حجاب وقراية...المهم الراجل شاف البنية وقال ليها اخير تشوفى ليكى شاب فى عمر 25 سنة عشان يكون زوج وفكى فى نفس الوقت ولمن تجيب عيال حتبقى كويسة

محشش اشترى لأمه عصفورين!! واحد يغرد والثاني ساكت..
سألته امه ليه الثاني ساكت؟! قاليها: ما دا الملحن!!

مسطول يسأل واحد تتوقع شنو إذا بقى دوران الأرض أسرع ثلاثين مره عن الطبيعي!!؟؟
قال: ليهو ما بعرف ؟
رد المسطول: بناخد المرتب كل يوم ياحمار!!

شيخ بنصح سكران: النفس دائما تستطيب الحلال
حتى أغبى الحيوانات, الحمار مثلا اذا خطيت قدامه جردل موية وجردل خمر, بشرب ياتو فيهم؟
السكران قال : أكيد الموية
الشيخ (وهو فرحان ): طيب ليه كدا ؟؟
السكران: لأنو حمــار يا شيخ !!

ادروب مشى بيت عزاء وعنده صاحبه لمن طلع قال ليهو ها عملت شنو فى الفاتحة؟؟
قال والله كشحتو ليك بى قل يا ايها الكافرون لحد ما آمن

واحدة بخيلة سالت ولدها ,بتعمل شنو لو واحد داس رجلك واعتذر ليك؟؟قال ليها بسامحه
الام تانى قالت واذا اداك هدية عشان ياكد اعتذاره؟؟رد الولد :بقول ليهو دوس التانية كمان

القاضى سال الحرامى:كيف تتجرا وتسرق فى عز النهار؟؟
رد الحرامى:انت فى المرة الاولى قلت لى كيف تتجرا وتسرق فى عز الليل
ويا اخى ريحنا وورينا وقت السرقة؟؟

واحد بسال ولده ..لو اخدو ضرب فى الرياضيات
فرد الولد :ايوة فى الجغرافيا والعلوم وكل المواد كمان

شحات شكر واحدة ادته قروش وقال شكرا يا سيدى
فردت السيدة وقالت ليه تقول لى سيدى وانا مراة؟؟
فقال:لانو لو قلت ليك سيدتى حتعرفى انو انا بشوف ومش اعمى

لاعب سباق اولمبياد مشى لدكتور عشان يقيس حرارته...فالدكتور قاس وقال ليهو درجة حرارتك 40
فرد اللاعب وكم الرقم القياسى؟؟

اتنين مزارعين وكضابين...الاول قال عندى عامل بقدر يقلد صوت الافعى لحد ما يطفش كل العصافير
فرد الثانى وانا عندى واحد بقلد صوت الارانب لحد ما يطفش لى الجزر اللىفى المزرعة كلها

واحد مشى يقابل مدير كبير وسالته سكرتيرته...انت تاجر والا محصل والا صديق؟؟فرد صاحبنا:الثلاثة مع بعض
فردت السكرتيرة:المدير عنده اجتماع ومسافر وتفضل ادخل

استاذ سال تلميذ..ليه الشمس ما تطلع ساعة ما السماء بتمطر؟؟
رد التلميذ...عشان ما تبتل يا استاذ

شافع شقى سال صاحب البقالة...عندك حلاوة وبسكويت وشكولاته؟؟فقال ليهو ايوة
فرد الشافع يا بختك انت محظوظ

استاذ سال تلميذ بتاخر دايما فى المدرسة عن سبب اصراره فى التاخير
فرد التلميذ اصلا انتو مصرين تضربوا الجرس قبل ما اجى

اتنين راكبين باص
قال الأول : أنا بردان من الشباك
قال الثاني: أنا ادريس من القضارف

مسطول عمل مرق لحم لاصحابه قالوا بس ما
في لحم قال يعني شاي الوزه فيه وزه

اذا كان السمك يعيش في الماء فكم عدد ايام الاسبوع ؟؟ مسطول بذاكر لاخوه تربيه اسلامية

صرصور دخل خلاط مولينكس لمن طلع قال: يلعن ام اللي يدخل ملاهي بعد اليوم دا

مدرس يسأل تلميذ قروى عايز تكون شنو اذا كبرت؟؟؟ قال:ما فيها كلام ...عجوز طبعا
مهاجم غبى ,المدرب قال ليهو خلى بالك انت حتكون تحت مراقبة الدفاع...قام لبس قناع ودخل الملعب

معلم قال لتلميذ.انت ليه بتحل المسائل بالطريقة القديمة, وشوف اللى جنبك دا حالى كيف بالطريقة الحديثة؟رد عليهو وقال دا ابوه اللى بحل ليهو ..اما انا فجدى هو اللى بحل لى

راجل لقوه مرمى فى الارض ونقلوه للمستشفى بالاسعاف..جاء الدكتور عشان يفحصة وشال ملابسه ولقى ورقة ملصفة ومكتوب فيها..الى عموم الاطباء والممرضين فى مهنة الطب...لقد شربت وعايز انوم..ما تحاولو استئصال الزائدة الدودية.لانها وسبق ان استاصلت مرتين بنفس الخطا