السلام عليكم
القصيدة بعنوان : حسنة ملص
الى الشاعر الشهيد : رحيم المالكي
ارجو ان تنال اعجابكم
ياهو منج اشرف خاطراشكيله
دليني يحسنه وباجر امشيله
امشيله وسولف كل حجي مظموم
كبل حفاي كالو هسه ماكو هدوم
بيت من قنابل والقصف مهدوم
وحمكومه بلا حكومه بغير تشكيله
تنازع عالكراسي والشعب حفاي
وبشرج لا غذاء لا كهرباء لا ماي
واحنه اهل النفط والكاك عز الماي
يا حسنه الحكومه تكدر اتشيلــــــــــــــه
حكومتنه الرشيده ليش هل تأجيل
مو مطرت علينه من سمه سجيل
بلوه احنه ابتلينه وقابل أهل سجيل
مو انه ابرهم خلونه السيــــل
جوعنه البرهم وجوع ابو الكفار
ثلاث سنوات اسمع ما أشوف اعمار
بس بعض الحكومه اصبحت تجار
بهاي أشهد يحسنه بيوم وليله
تجارالحكومه والشعب حمال
وياهو الجي باجر ونذور الحمال
ومن هاي السوالف حملونه اشمال
اذا عدلو وضعه ينعدل ذيله
حكومه الرشيده ليش هذا البوك
ترى هذا الشعب قد ما تضيع الحكوك
باجر بنتفاضه وأنشك أكثيـــر أحلوك
عرفنه الباطل ونعرف اليوميله
عرفنه الباطل ونعرف اليوميله
موضوع: قصيدة (حســـــــــــنة ملـــــص) 
الأربعاء مايو 28, 2008 1:01 am
